Fallout 4

Fallout 4
Desendolcador	Bethesda Game Studios (es)
Distribuidora	Bethesda Softworks (es)
Compositor	Inon Zur
Motor	Creation Engine (es)
Plataforma	Microsoft Windows, PlayStation 4 y Xbox One
Publicación	10 payares 2015 10 payares 2015 (Alemaña)
Serie	Fallout (es)
Xéneru	videoxuegu de rol d'aición, xuegu de sobrevivencia, videoxuegu de ciencia ficción y videojuego posapocalíptico (es)
Mou	un xugador
Preséu d'entrada	tecláu y mur
Clasificaciones
CERO	Maduro +17 (es)
ESRB	Maduro +17 (es)
PEGI	PEGI 18
USK	USK 18, USK 18 y USK 18
Más información
Páxina web oficial	fallout.bethesda.net…
Fallout: New Vegas Fallout 4 '

Fallout 4 ye un videoxuegu de rol d'aición desenvueltu por Bethesda Game Studios y distribuyíu por Bethesda Softworks. Ye la quinta entrega de la serie Fallout. El títulu anunció'l 3 de xunu de 2015 por aciu la publicación d'un tráiler na páxina oficial de Bethesda. El xuegu foi estrenáu mundialmente el 10 de payares de 2015 para Xbox One, PlayStation 4 y Microsoft Windows.^[1]

Fallout 4 ta ambientáu na post-apocalíptica ciudá d'Estaos Xuníos de Commonwealth, Massachusetts nel añu 2287, 210 años dempués d'una devastadora guerra nuclear, na que l'o la protagonista sobrevive nun búnker soterrañu conocíu como Vault.^[2] La xugabilidá de Fallout 4 ye similar a la de Fallout 3. El xugador completa delles misiones y adquier puntos d'esperiencia pa xubir de nivel y asigna-y habilidaes esenciales. Con perspectives disponibles en primer y tercer persona, los xugadores puedes esplorar el mundu abiertu de Fallout 4 a voluntá propia, dando pasu a una xugabilidá non-llinial. Dellos compañeros pueden xunise al xugador p'acompañalo nos sos viaxes, p'ayudar nes batalles y na recueya de distintos oxetos. Los xugadores tienen l'habilidá de construyir y desmantelar edificios y elementos, que pueden utilizase pa construyir asentamientos en distintes partes de la ciudá, que pueden ser habitaos por personaxes non jugables.

Hubo múltiples rumores alrodiu de Fallout 4 hasta'l so anunciu oficial. El xuegu foi anunciáu'l 3 de xunu de 2015, onde les primeres imáxenes del gameplay del xuegu fueron amosaes na mesma conferencia de Bethesda na 2015 Electronic Entertainment Expo.^[3] Ye'l primer xuegu de la serie onde l'o la protagonista cuenta con actuación de voz.

Magar la gran acoyida de dalgunos de los sos llanzamientos nel pasáu, como The Elder Scrolls V: Skyrim, Bethesda Game Studios cree que Fallout 4 puede ser el mayor llanzamientu de la hestoria.^[4] Fallout 4 postúlase como unu de los grandes títulos pa encarar la recta final de 2015. Sicasí, Fallout 4 recibió crítiques bien positives, munches de les cuales emponderen la fondura del mundu abiertu, la llibertá del xugador, la gran cantidá de conteníos, la hestoria, l'artesanía, los personaxes y la banda sonora. Tocantes a la visualización, recibió crítiques mistes y la presencia de problemes téunicos foi criticada.

El títulu foi condecoráu col "Premiu d'Excelencia" (compartíu con otros 14 títulos), dau pola revista Famitsū de la distribuidora Enterbrain a aquellos videoxuegos llanzaos en Xapón ente'l 1 de xineru y el 31 d'avientu de 2015.^[5] Tamién recibió dellos premios y nominaciones de diversos medios y ceremonies.

1. ↑ «forma oficial-y amuésanos-el so primera-trailer/ Fallout 4 ye anunciáu de forma oficial y amuésanos el so primer tráiler». Vandal.net. Consultáu'l 4 de xunu de 2015.
2. ↑ «Fallout 4». Consultáu'l 16 de febreru de 2016.
3. ↑ Ortega, Por José L.. «Fallout 4, confirmáu pa PS4, Xbox One y PC». Consultáu'l 11 de febreru de 2016.
4. ↑ «so-hestoria-non-89283// Bethesda cree que Fallout 4 pue ser el mayor llanzamientu de la so historia». Consultáu'l 22 d'agostu de 2015.
5. ↑ Famitsu Awards Honor Splatoon, Hideo Kojima, More en Anime News Network (n'inglés).